Ingredientes:
- pementos de Padrón
- queixo Bama
- fariña, ovo e pan relado para empanar
Preparación:
- Collemos o pemento e facémoslle un corte ao longo. Non lles sacamos o rabiño.
- Despois, cunha culleriña pequena, sacámoslle algunhas sementes (para que o queixo teña máis sitio). Se vedes que se vos rompe, non pasa nada, despois co empanado, tapámolo.
- Lavamos os pementos para sacarlle as sementes que queden por aí perdidas e secámolos.
- Cortamos un anaco de queixo e metémolo dentro do pemento, pechándoo ben.
- Pasamos os pementos por fariña, ovo e pan relado. Deixamos que seque o empanado, e volvémolos pasar por ovo e pan relado.
- Fritimos en abundante aceite quente ata que estean douradiños.